5 Eguneko Kanpamentua

Metodologia

Astero gai desberdinak jarraitzen ditugu, normalean ipuinetan oinarrituz planifikatzen ditugun jarduerak garatzeko. Lan egiteko era ezberdina izango da talde bakoitzeko, adin tartearen arabera.

2 eta 3 urteko gelan

Txokoen bidez lan egingo dugu, hau da, ume bakoitzaren gustu edo/eta motibazioen arabera txandakatuko dira (jolas sinbolikoa, Arte Plastikoak, Musika eta Dantza, Eraikuntzak eta Puzzleak…). Begiraleek haurrak txoko guztietan parte hartzera animatu eta bultzatuko dituzte.

Eguraldia lagun, ur jolasak eta igerileku puzgarriak izango ditugu erdigunean bertan.

4 eta 5 urteko gelan

Txokoen bidez landuko dugu, hau da, ume bakoitzaren gustu edo motibazioen arabera txandakatuko dira: logiko-zientifikoak, irakurmena, arte plastikoak, psikomotrizitatea, argi mahaia. Begiraleek haurrak txoko guztietan parte hartzera animatu eta bultzatuko dituzte.

Astean behin igerilekura joango dira eta astero txango bat egingo dute (parkeetara, kanpoko ekintzetara, museoetara, etab.).

Lehen Hezkuntza 6 urtetik 12 urtera

Hainbat tailer eta jarduera egingo dira: zientzia, robotika, sukaldaritza, eskulanak, musika, antzerki emanaldiak…

Horrez gain, kirol anitzeko hainbat saio programatu dituzte: Tenisa, Judoa, Patinajea, Dantza, Xakea…

Astean behin igerilekura joango dira eta astero txango bat egingo dute (parkeak, kanpoko jarduerak, museoak…).