Deusto Txiki Udalekua, 5 egun

**Metodologia**

9:00etatik 11:00etara, Txikitech-ek gidaturik, STEAM metodologiaren teknologia eta ingeniaritza arloetan oinarritutako jarduerak egingo dituzte.

Aste bakoitza bi proiekturen garapenaz osatuta dago, eta hauen maila adin desberdinetara egokitu da:

**BIDEOJOKOEN DISEINUA:**
– Programazioa
– “Front”-aren eta pertsonaien diseinua
– Mugikortasunaren ezarpena
– Joystick-aren diseinua eta interakzioa

**INGENIARITZA:**
– Programazioaren oinarrizko ezagutza
– Zirkuitu elektronikoen muntaketa
– Proiektu-garapenaren ikaskuntza
– Zirkuitu baten osagaiak, muntaketa eta programazioa

Goizeko erdian, atsedenaldi bat egingo dugu eta kanpoan jolas libreaz gozatzen dugun bitartean askaria hartuko dugu.

Atsedenaldiaren ondoren, egunero kirol-jarduera bat egingo dugu (Judo, Tenisa, Multikirola, Patinajea, Xakea, Dantza, etab.).

Azkenik, sortzaileena den aldea garatuko dugu Pintura eta Eskulan jarduerak **ingelesez** eginez.

Aste guztietan ibilaldi bat egingo dugu. Ibilaldi hauek eta jarduerak izen-emate epea amaitu ondoren antolatzen dira, osatutako taldeetara egokitzeko. Aste bakoitzean desberdinak izango dira.